Ich bin jetzt reifer - un net älder.
Moin Geischd is cuhl, un wird immer kälder.
Obwohl moi Hern wird immer reifer,
wern moi Gelenke immer steifer.
Do kam mer die Idee - geeschd danze
un dodebei geeschd mol uffs Ganze.
Ich also in ä Disko noi.
Doch do gings zu, oi-oi-oi-oi!
Die äne schdehen bloß un saufe.
In änner Eck sin zwee am Raufe.
Un uffm Parkett, do muss ich lache:
Was die do als fer Sache mache!
De Ärm mol ruff, de Ärm mol runner,
un in de Knie gehts aach noch nunner.
Klamotte der Mädel als soo korz,
statt Tischört un Rock bloß ä Lendeschorz.
Nach 5 Minute mit dänne Verrenkung
ginge all moi Gelenke äfach of Kränkung.
Ich bin mit dem Krankewaache dann häm.
un muss jetzert 15 Tablette nehm.
Jetzt brauch ich a noch Voltaren fer de Bäh,
sonschd is moi Lewe nimmeh schäh.
Ich raach zur Beruichung widder Zigarette.
Vun de Darmverschlingung wollmer gar net redde.
Korzum - des Danze war än Flopp.
Jetzt hau ich annersch moi Geld uff de Kopp.
Chab aach schun ebbes - elegant un mit Piff:
Ä Kreizfahrt mit Krankestation uffm Schiff.
AHOI!
Werner Kurze, Neuhofen, 11.02.2009