Nach einer Idee aus dem Kölschen Grundgesetz 2007 streng wissenschaftlich abgeleitet von
Werner Kurze.
§ 1
Ich dans wie ich dans,
werschd sehe, ich kanns.
§ 2
Sfangt o mit Musik.
Do gibt’s so ä Trick.
Den Takt findschde nie,
drum her gar net hie.
§ 3
Dann machschde ä Schritt,
wanns net geht än Tritt.
§ 4
Un merk Dr den Satz:
Chwar richdich, moi Schatz!
§ 5
Do guckschde nur:
Ä neie Figur!
§ 6
Gedanzd is fix.
Wiederholt werd nix!
§ 7
Des hemmer immer so gemachd.
§ 8
Mer danze mit Fieß,
de Erm braach mer net.
Wammer die so schdreckt,
do sieht mer sos Fett!
§ 9
Mir danze ruich un ohne Ferz,
un wackle net mit unserm Schderz.
§ 10
Un simmer dann ferdich, mir alte Penner,
do freh mer uns un drinke noch enner.
Werner Kurze, Neuhofen, 18.02.2009